የሰካራም ፀሎትየሚወላገዱ እግሮቹን አፅንቶ
የሚወናጨፉ እጁቹን ዘርግቶ
ግንባሩን ወደ ላይ …
ወደ አምላኩ አቅንቶ።
በኮልታፋ አንደበት ፤ አምላኩን ተጣራ
ተፀፅቶ ጮህ …
ፀሎቱ እንዲሰምር ጌታው እንዲራራ
“ይቅር በለኝ ” …
አለ ከሀጢያቱ ሊጠራ።
” ጨርቄን ማቄን ጥዬ…
እኔም ልከተልህ ፤ ከነጴጥሮስ ጋራ
አብሬህ ልታደም ፤ መንገድክን ልጋራ
አልደፍርም ለጎንህ…
በቀኝህ አልልም ፤ አኑረኝ በግራ።
የሰካራም አምላክ ፤ እውነተኛው ዳኛ
እድሜዬ እንዳታልቅ ፤ ስጠጣ መናኛ
ለአይን ሳይከሰት
ከሚንቆረቆረው ፤ ከማርህ ወለላ
ታምርህ ሲገለፅ…
ጠጅህን መፅውተኝ ፤ በቃና ገሊላ።”
“እንደ ማለዳዬ…ንጋት እንደ ቸርከኝ
በረፋዴም ድረስ…..
ሳልወድቅ አስተካክለኝ
ጌታ ሆይ ደግፈኝ
የመሸበት ጩኸት….
የሰካራም ፀሎት…ብለህ አትለፈኝ”
ፍቅርተ ፀጋይ
2017